top of page
3P0A3243 copia

3P0A3243 copia

NELSON QUINTEIRO JL RUA FLORAL

NELSON QUINTEIRO JL RUA FLORAL

RUA_4574

RUA_4574

RUA_5712

RUA_5712

_BAS3652-1

_BAS3652-1

340666761_245718031205506_57793906591568619_n

340666761_245718031205506_57793906591568619_n

_REP1343-1

_REP1343-1

370545682_10231647220867815_4024196440150540803_n

370545682_10231647220867815_4024196440150540803_n

3P0A6925 copia

3P0A6925 copia

Chan

Chan

NELSON QUINTEIRO

Nelson Quinteiro Producións é un proxecto cultural e artístico desenvolto polo polifacético artista Nelson Quinteiro no que conflúen máis de 20 anos de formación e experiencia no mundo artístico, tanto como profesional sobre os escenarios como na xestión e consultoría de contidos culturais para todo tipo de institucións.

​

Licenciado en Ciencias Políticas pola Universidade de Santiago de Compostela (97-2002) e Master Oficial en Musicoterapia pola Universidade Internacional de La Rioja Unir (2023-24) completa a súa sempre continua formación  en múltiples áreas artísticas (danza, música, teatro, cabaret, clown, artista de hospital), que o levan a un marcado recoñecemento, sobre todo como fervello e dinamizador cultural. A este nivel, ao longo destes anos realiza diversos cursos para mellorar as súas competencias como “Emprendemento en industrias culturais" (Fundación Paideia, Escola de Organización Industrial), “Xestión do talento” (HayGroup, Instituto de Empresa de Madrid), “Dinamización cultural” (Concello de Pontevedra) ou Cursos de Verán da Universidade Internacional Menéndel Pelayo, entre outros.

​

Un dos seus perfís máis recoñecido a nivel estatal é o de cabaretero, como director e programador de todas as edicións do "Festival Galego de Cabaré" (12 edicións, dende 2006 a 2021)  editando o libro "Pequeno Manual das Artes Perversas" (Primeiro tratado teórico sobre cabaret contemporáneo), programando contidos de festivais como "Compostela Carpa Cabaré 2009",  "Cabaré Cabaré! 2021" (Excmo Concello de Pontevedra) ou participando en eventos como o I Festival Iberoamericano de Cabaret o Cabaret Flotante ou o FestiMAD de Madrid.

 

Como músico e intérprete de música tradicional galega publicou os discos "Orquestra Gharbo!" (2014) e Músicas de Domingo" (2019), ten participado en programas como “Luar”, "Que nos pille rebolando", "Fun polo vento" ou "A Tarde" da Televisión de Galicia, ou dirixido innovadoras iniciativas como o programa "Supercantos 2017" do Excmo Concello de Pontevedra, ou creado a iniciativa "Mais Cantos" na que coordina a músicos profesionais e afeccionados ao canto para organizar experiencias festivas relacionadas coa música popular con grupos activos en Poio, Pontevedra e Marín.

 

Desde o ano 2017 formouse e certificouse como artista de hospital por medio da Fundación Theodora, chegando a ser "Doctor Sonrisa Senior" por medio da súa personaxe "Doctor Logaritmo" e traballando en hospitais públicos de toda Galicia e proxectos a nivel estatal.

 

No mundo do terceiro sector, actualemente traballa en diferentes proxectos de musicoterapia con persoas maiores nas residencias públicas de Campolongo (Pontevedra) e Marín e na Asociación de Familiares de Persoas con Alzheimer (AFAPO) en Pontevedra e Marín.

 

Actualmente é profesor das actividades "Musicoterapia. Música para a Felicidade" e "Intervencións Artísticas no Ámbito Hospitalario" na Universidade Nacional de Educación a Distancia, UNED, Campus de Pontevedra.

​

A partir de setembro de 2024 emprende unha colaboración coa Fundación SGAE dentro do proxecto "Barraca XXI" para levar Musicoterapia, movemento e cabaré aos usuarios ambulatorios/as do Hospital de Saúde Mental de Conxo, Santiago de Compostela.

​

Durante todos estes anos creou e dirixiu propostas moi diversas en toda Galicia, como o espectáculo de música e danza “Gharbo!" (2012) en co-produción co Centro Coreográfico Galego, "Brancas. Itinerario Escénico Urbano" (2012, para a Noite Internacional dos Museos da Coruña),"Portamérica Circo Cabaret" no Festival Portamérica 2016, "Pequeno Circo de Nadal" en Rianxo (2016 – 2018) e Salceda de Caselas (2019-2023), o Festival "O Bosque de Nadal" en Viveiros O Pîñeiro (2017-2022),"Parranda & Trucks” en Portonovo (2017, 2018) ou "Pequeno Circo de Entroido en María Pita" na Coruña (2017, 2018) entre moitas outras.

​

...

A Boa Vila conmemora a Revolução dos Cravos cantando 'Grândola, Vila Morena'
02:23

A Boa Vila conmemora a Revolução dos Cravos cantando 'Grândola, Vila Morena'

Este martes 25 de abril de 2023, o Ateneo de Pontevedra organizou un acto conmemorativo da Revolução dos Cravos​ coa convocatoria da cantata comunal "Grândola, Vila Morena", que tivo lugar ás sete da tarde, na confluencia das rúas Alhóndiga, Dona Tareixa e Don Filiberto (entre o Teatro Principal e a Casa das Campás), con gran presenza de público A agrupación musical Mais Cantos, dirixida por Nelson Quinteiro, interpretou varias cancións tradicionais portuguesas ademáis da popular canción de José "Zeca" Afonso que foi escollida polo Movemento das Forzas Armadas (MFA) para ser o segundo sinal da Revolución dos Caraveis de Portugal. A canción fai referencia á fraternidade entre as persoas de Grândola, no Alentejo, e o público asistente a este acto en Pontevedra ergueu os caraveis para cantar a letra empregando os pasos laterais do baile que se asocia coa simbólica peza. Na madrugada do 25 de abril de 1974 a canción foi retransmitida na Rádio Renascença, a emisora católica portuguesa, como sinal para a confirmación do inicio da revolución. Esta canción converteuse nun símbolo da revolución que derrotaría á ditadura de Salazar e daría liberdade a Portugal e ao seu inmenso imperio colonial. As forzas do exército portugués organizadas polo MFA foron as encargadas de conseguir a liberdade co apoio do pobo que as acubillou coa colocación de caraveis vermellos nas bocas dos canóns dos tanques e os fusís dos soldados.
Feria Modernista Sada 2022.mp4

Feria Modernista Sada 2022.mp4

XI FEIRA MODERNISTA DE SADA 2022. Fala-Me Trad Cabaré. Nelson Quinteiro Producións.
02:57

XI FEIRA MODERNISTA DE SADA 2022. Fala-Me Trad Cabaré. Nelson Quinteiro Producións.

Unha proposta de cabaré e cabaré galego posta en escena o venres 29 de xullo de 2022 na XI Feira Modernista de Sada (A Coruña) e que convirtíu o escenario nun salón de baile dos anos 20 onde non faltou o foxtrot, o tango, o cuplé e sobre todo a muiñeira. Un espectáculo de empoderamento da música, danza e vestiario tradicional galego, da cultura tradicional, o folk e o folclore a través do cabaret, da picardía e do teatro. Con música ao vivo e danza e un elenco de vértixe con Álvaro Cardalda ao acordeón, Brais González ao piano, o gañador dun Premio Max Iván Villar e os bailaríns Ariadna Vázquez, Uxía Rivas Quarneti e Ricardo Fernández Louro, membros de compañías como Nova Galega de Danza, SaDanza ou Falcatrueiros. Todo guiado polo cantareiro, e mestre de cerimonias Nelson Quinteiro, director da peza. Unha delicia de espectáculo no que desfrutamos facer ó público rir, cantar, participar e emocionarse a partes iguais. https://www.nelsonquinteiro.com/tradcabare ...................................................................... Una propuesta de cabaré y cabaré gallego llevada a escena el viernes 29 de julio de 2022 en la XI Feria Modernista de Sada (A Coruña) y que convirtió el escenario en un salón de baile de los años 20 donde no faltó el foxtrot, el tango, el cuplé y sobre todo la muiñeira. Un espectáculo de empoderamiento de la música, danza y vestuario tradicional gallego, de la cultura tradicional, el folk y el folclore a través del cabaret, de la picardía y del teatro. Con música en directo, danza y un elenco de vértigo con Álvaro Cardalda al acordeón, Brais González al piano, el ganador de un Premio Max Iván Villar y los bailarines Ariadna Vázquez, Uxía Rivas Quarneti y Ricardo Fernández Louro, miembros de compañías como Nueva Gallega de Danza, SaDanza o Falcatrueiros. Todo guiado por el cantareiro, y maestro de ceremonias Nelson Quinteiro, director de la pieza. Una delicia de espectáculo en el que disfrutamos haciendo al público reír, cantar, participar y emocionarse a partes iguales.
FESTAS DE SAN XOÁN DE POIO 2022. Desfile, pregón e serán.
06:35

FESTAS DE SAN XOÁN DE POIO 2022. Desfile, pregón e serán.

FESTAS DE SAN XOÁN DE POIO 2022 Desfile, pregón e serán colectivo a cargo do Colectivo Mais Cantos, Gaiteiros Desbrosadores, Álvaro Cardalda e Nelson Quinteiro. Celebrado o mércores 22 de xuño de 2022 Un contido con máis de 50 participantes que percorreu as rúas da Parroquia de San Xoán chegando ao Concello e Mosteiro de Poio, onde tivo lugar o pregón a cargo do dramaturgo e actor Quico Cadaval e os saúdos do Concelleiro de Festas, José Luis Martínez e do Excmo Alcade, Luciano Sobral. A continuación, despois do himo tivo lugar o Serán de San Xoán, con degustación de rosca e viño para todas e todos os asistentes. Cabezudos, estandartes, máscaras ancestrais, gaiteiros, acordeóns, baile tradicional, cantos de taberna, música popular, festa, foliada, serán. Organizou: Excmo Concello e Poio. Concellaría de Festas. Música do videoclip: Canto de Andar o Camiño do disco "Orquesta Gharbo!" de Nelson Quinteiro Videoclip a cargo de Cris Lores: La Casa de la Tos
Promoción e street marketing das XI Xornadas de Portas Abertas das Rutas dos Viños de Galicia.
01:01

Promoción e street marketing das XI Xornadas de Portas Abertas das Rutas dos Viños de Galicia.

Campaña de promoción e street marketing das XI Xornadas de Portas Abertas das Rutas dos Viños de Galicia. Durante 7 días visitamos 13 prazas en 7 cidades galegas ofrecendo 25 micro-concertos interpretando as 5 pezas compostas por Ana Rodríguez e Carlos Calviño inspiradas en cada unha das 5 denominacións de orixe dos viños galegos: Valdeorras, Ribeira Sacra, Monterrei, Ribeiro e Rías Baixas. Unha actividade promocional na que se repartiron 4900 mapas e 400 libros con toda a información da campaña. Da man de Nelson Quinteiro Producións e StarPlanning SL para a Delegación de Turismo da Xunta de Galicia. Con Álvaro Cardalda ao acordeón, Wilfred Wilde á guitarra e Nelson Quinteiro á percusión, e Iván Davila, Irene Lorenzo e Erica González como soumeliers eno-musicólogos. Unha experiencia intensa, vibrante, con tonos de ledicia e moito brillo. Ofrecémosvos esta cápsula froito dunha colaboración con @dcartfreelance #streetmarketing #enoturismo #rutasdosviños #musicagalega #concertos #concertosnarúa #música #nelsonquinteiro #turismogalicia #
bottom of page